Gigippeke, gigippeke van meulebeik
dei breit veu maa een vareus
zèèt doenkerbrooine streppekes
in man maave gezet
en ik haa nog e póór kaase
met de rest van de sajet

Ik haa d'er ma zeulf nog van verschaute
daa pulwas on ma laaif gegaute,
ze zaa bezee nekei Urbei
ge zet persees ne mannekei
mor zaa vanaaigen nie gezien
da'k blausde gelek nen appelseen
want ikmoest nogal mannen booik intrekke
veu al dei steike nie ooitj te rekke.

Gigippeke, gigippeke van meulebeik
dei breit veu maa een vareus
zèèt doenkerbrooine streppekes
in man maave gezet
en ik haa nog e póór kaase
met de rest van de sajet

Dij kaasen dij scheupten nogal problijmen
dij wooin gemokt veu foeitbalscheinen
jomme zaa ze, kwiste kik ni goot
2-3-4 hoeveil da ga eitj va voot.
Gigippeken too trekket a ni óón
ik hem al in erger kaase gestùoón
en azzek ze in e zoppeke was
awel den passe ze ma ieste klas.

Gigippeke, gigippeke van meulebeik
dei breit veu maa een vareus
zèèt doenkerbrooine streppekes
in man maave gezet
en ik haa nog e póór kaase
met de rest van de sajet

Ik stond do naa me een èèt in ma gat
want maaine portemenei was plat
mo ooitj belèèftaaitj vroogek heu
masken, hooveil moonek a deveu?
Ja joeng, zèèse, da kost a ee naut
en ik trok ma nogal nen taut
Mo banie ge moeitj ma geine frang.
Gigippeke ik zeen a gèère ma lèève lang.

Gigippeke, gigippeke van meulebeik
dei breit veu maa een vareus
zèèt doenkerbrooine streppekes
in man maave gezet
en ik haa nog e póór kaase
met de rest van de sajet